နှလုံးသား စာပန်းချီ
မန္တလေးသာသနာ့တက္ကသိုလ်ကြီးဆိုတာ မန္တလေးတောင်တော်ခြေရင်းက ကုသိုလ်တော်ဘုရား အနီးမှာတည်ရှိပါတယ်၊ အဲဒီတက္ကသိုလ်ကြီးကို မန္တလေးနပသလို့လဲ အတိုကောက်ခေါ်တဲ့လူ ကခေါ်ကြပါတယ်၊ တက္ကသိုလ်ကြီးမှာ နှစ်စဉ်နှစ်တိုင်းစာသင်သားသံဃာ တွေနဲ့စည်ကားနေပါတယ်၊ တစ်သုတ်ပြီးတစ်သုတ် ၀င်ခွင့်စာမေးပွဲတွေဖြေကြ၊ အောင်မြင်ကြ၊ ရှိရင်းစွဲကျောင်းသားဟောင်းများ ကလည်း ကျောင်းပြီးသွားလို့ သာသနာ့တာဝန်အသီးသီးထန်းဆောင်ကြနဲ့ စဉ်ဆက်မပြတ်သာသနာ့ အာဇာနည်တွေ မွေးထုတ်ပေးနေတဲ့နေရာကြီးဆိုရင်လည်းမမှားပါဘူး၊
ခုအဲဒီတက္ကသိုလ်ကြီးမှာ ရယ်စရာဟာသလေးဖြစ်ခဲ့တာကိုဖောက်သည်ချချင်လို့ပါ၊ တက္ကသိုလ် ကြီးမှာ စာသင်လာကြတဲ့ကိုယ်တော်လေးတွေက နေရာစုံ၊ လူမျိုးစုံကလာကြတဲ့အတွက် ၀ါသနာတွေ ကလည်းမျိုးစုံလေ၊ ၀ါသနာဆိုတာကလည်း ရဟန္တာဖြစ်တာတောင် ပျောက်တာမဟုတ်တော့ သာမာန်စာသင်သားပုထုဇဉ်သံဃာလေးတွေမှာ ၀ါသနာမျိုးစုံပါလာကြတာမထူးဆန်းဘူးပေါ့ အဲဒီအထဲက တစ်ချို့က သီချင်းဆိုတာ၊ တစ်ချို့က ကဗျာရေးတာ ၀ါသနာပါလာကြတယ်လေ၊
ချစ်သူများနေ့မှာ ကဗျာရေးတာဝါသနာပါလာကြတဲ့ ကိုယ်လေးတွေစုပြီး ကဗျာစာအုပ်လေး လုပ်ပါတယ်၊ ရေးတာကတော့ ၀ါသနာတူဘ၀တူစာသင်သားကျောင်းသားလေးတွေ ၀ိုင်းရေး ကြတာပါ ကုန်ကျငွေကိုလည်း ကျသလောက်ကို ကိုယ်ဝေစုအလိုက်ထည့်ဝင်ကြပါတယ်၊ အားလုံးပရုတွေဖတ် ကဗျာတွေအချောသတ်ပြီးလို့ ထုတ်ပြီးဖြန့်ဝေဖို့ခေါင်းစဉ်ပေးဖို့ စဉ်းစားကြပါတယ်၊ အစတော့တစ် ယောက်တစ်ပေါက်ခေါင်းစဉ်တွေပေးကြပေမဲ့ နောက်ဆုံးမှာ အများသဘောတူခေါင်းစဉ်ဖြစ်တဲ့ “နှလုံးသား စာပန်းချီ”ဆိုတဲ့ခေါင်းစဉ်ကိုရွေးလိုက်ပါတယ်၊ ခေါင်းစဉ်လည်းရွေးပြီးလို့ ရောင်းရအောင် notice boardမှာ ကြော်ငြာကပ်ထားလိုက်ပါတယ်၊ အဲဒီမှာ စိတ်ဆိုးရခက်ခွင့်လွှတ်ရခက်တဲ့ ကဗျာတစ် ပုဒ်နဲ့ ကြော်ငြာကိုဆော်ပလော်တီးပြီး ပညာပေးရေးသွားလို့ ကဗျာရေးတဲ့ကိုယ်လေးတွေလည်း နောက်
တစ်ခါ ကဗျာစာအုပ်မထုတ်ရဲအောင်ဖြစ်ခဲ့ရပါတယ်၊ ရေးထားတာကလည်းကြည့်ဦးလေ--
“နှလုံးသားစာပန်းချီ
ကတုံးများစာစီ
အမုန်းမပွားပါအတည်
ကျုပ်ကတော့ မကြိုက်သမို့
ရေနီမြောင်းသို့ ပစ်လိုက်ပြီ”
ကဲကောင်းကြသေးရဲ့လားစာဖတ်သူရေ ရင်တွင်းဖြစ်လေးတွေ ရေနီမြောင်းထဲပစ်ရမဲ့ ကိန်းပေါ့၊
ရွှေမန်းသား (အရှင်အင်္ကုရ)
No comments:
Post a Comment