*******************
တန်ခူးရေကုန် ကဆုန်ရေခန်းဆိုတဲ့ စာဆိုနဲ့ညီအောင် ကဆုန်လက ခြစ်ခြစ်တောက် ပူလှသည်၊ အဲဒီ ကဆုန်လထဲမှာ သူ့ကို ရဟန်းခံပေးဖို့ ရက်သတ်မှတ်ပေးထားခြင်းခံရသည်၊ စာသင် သားတစ်ပါး အတွက် ရဟန်းခံပစ္စည်းတွေက ရဟန်းဒကာ ဒကာမအပေါ်မူတည်ပြီး များတန်က များကြသည်၊ နဲတန်က နည်းကြသည်၊
အခု သူကတော့ သူ့မိဘအရင်းတွေက ရဟန်းခံပေးမှာမို့ နဲသည်လည်းမဟုတ်များသည်လဲ မဆိုသာ၊ ရဟန်းဖြစ်လျှင်အသုံးပြုဖို့ အတွက် အသုံးအဆောင်တွေကို မန္တလေး အိမ်တောင်ရာ ဘုရားဈေးက ၀ယ်လာခဲ့သည်၊
ခြင်ထာင်၊ ခေါင်းအုံး၊ စောင်ကတော့ သူနေတဲ့ မုံရွာဘက်က မိုးလေးစောင် အကြီးကြီး တစ်ထည်ဝယ်ထားပြီးသားဖြစ်နေသည်၊ သံသေတ္တာကြီးကိုတော့ မန္တလေး စိန်ဒေါင်း သံသေတ္တာကပဲ စားအုံးဆီ နှစ်ထပ်ပေပါကြီးကို အော်ဒါမှာထားလိုက်သည်၊ သံသေတ္တာကြီးကိုက တော်တော်လေးလံ လှသည်၊ တစ်ယောက်တည်း ထမ်းဖို့ သိပ်မလွယ်ကူ၊
အဲဒီ သံသေတ္တာကြီးထဲမှာ ခေါင်းအုံး၊ မိုးလေစောင်၊ ခြင်ထောင်၊ ပရိက္ခရာရှစ်ပါးကို ပေါင်းထည့်ထားလိုက်သည်၊
ရဟန်းခံဖို့ သုံးလေးရက်အလို သေတ္တာကြီးကို သယ်ပြီး သူရယ်၊ သူ့ဆရာသမား ဦးကောရယ်၊ သူ့သူငယ်ချင်း အရှင်ဂုဏရယ်၊ သုံးယောက်သား သူ့ဇာတိရွာလေးကို ပြန်လာကြသည်၊
အမေက ရွာကနေကျောက်ဆည်ကားဂိတ်အထိ ကိုယ်တိုင်ကိုယ်ကျလာကြိုနေသည်၊ အဖေကတော့ ရွာမှာ ရဟန်းခံအတွက် အလုပ်တွေစီစဉ်ရင်းနေခဲ့သည်၊ ကျောက်ဆည်မန္တလေး ကားလေးက ကျောက်ဆည်က ပတ္တမြားဂိတ်ရောက်တယ်ဆိုရင်ပဲ ခရီးဆုံးလို့ ရပ်တန့်လိုက်ပြီ၊ စောင့် နေတဲ့ အမေက အပြေးအလွှားရောက်လာသည်၊
ကားစပါယ်ယာက ကားခေါင်မိုးပေါ်က သံသေတ္တာကြီးကို ချပေးသည်၊ သူက အောက်က မနိုင်တနိုင်နဲ့ လှမ်းယူသည်၊ ဒါကိုမြင်တဲ့ အမေက အပြေးလာပြီး၊ ပေးပေး ကိုရင် ၊ တပည့်တော် ရွက်ခဲ့ မယ်၊ အမေ့ မသယ်နဲ့ အမေထားလိုက်လို့ မတားဖြစ်လိုက်။
ကဆုန်နေပူပူကြီးထဲမှာ အမေက လေးလံတဲ့ သံသေတ္တာကြီးကို မနိုင်တနိုင်ရွက်နေတာ၊ အခုအချိန်အထိ မျက်စိထဲ့ မထွက်၊
လာကြိုနေတဲ့ လှည်းနားရောက်မှ လှည်းပေါ်ကို သံသေတ္တာကြီး မနည်းမပြီး တင်ယူရသည်၊ အမေကတော့ မမောသလိုလို၊ မပန်းသလိုလို၊ သားတို့ရုပ်ရည် သီတာ မြည်သား ရေကြည်ချမ်းမြ တစ်ပေါက်ကြက မိဘတို့ဝမ်း ငြိမ်းစတမ်းတည်း ဆိုသလို သားတောင်မောင် ရဟန်းလောင်းကို မြင်တွေ့ရလို့ အမေပျော်တာထင်သည်။ အမေရင်ထဲ ငြိမ်းချမ်းနေတာထင်သည်၊
ရဟန်းခံပွဲမှာ အမေက လာသမျှဧည့်ပရိတ်သတ်ကို ငါးခြောက်ထောင်းနှပ်တွေနဲ့ ကျွေးမွေးဧည့်ခံသည်။ ပင့်သံဃာတွေကလဲ အပါးနှစ်ဆယ်၊ တောနယ်တောအရပ် အနေနဲ့ စည်စည်ကားကား ဖြစ်တယ်လို့ ပြောစမှတ်ပြုကြသည်၊
ရဟန်းခံပွဲပြီးတော့ ကြေးကူငွေက ဘယ်လောက်ရသလဲ မသိ၊ ရဟန်းလောင်းအတွက် သိမ်းဆင်းလောင်းတာက ခြောက်သောင်းလောက်ရသည်၊
ရဟန်းခံပွဲပြီးပြီမို့ သူလဲ စာသင်တိုက်ကို ပြန်ဖို့ ပြင်ရသည်၊ ညပိုင်း အမေ့အိမ်ကြွတော့ အမေက
“ဦးဇင်း ငွေကလောက်ရဲ့လား လိုရင်ထပ်ယူသွားနော်၊”
“ဟုတ်အမေ တစ်သောင်းလောက်တော့ လိုချင်သေးတယ်”
“ဒါဆို ရော့ရော့ ဦးဇင်း၊ လိုတာပြောနော် ဦးဇင်း ၊ မြို့ရောက်လို့ လိုရင်လဲ လူကြုံနဲ့ စာရေးလိုက်ပေါ့ တပည့်တော်တို့ ထပ်ပြီး လှူပါမယ်၊
ဟုတ် ဟုတ် အမေ”
မြို့ရောက်တော့ ရဟန်းခံကရတဲ့ ငွေလေးကို ၀ါသနာပါရာ ကမရာ တစ်လုံး ၀ယ်ဖြစ်လိုက်သည်၊ အမေကတော့ သဘောကျမယ် မထင်၊ ဒါပေမယ့် ဘာမှတော့ မပြော၊
ကမရာက ဆီလ်ဂယ် တံဆိပ်လေး၊ အသစ်စက်စက်မို့ ခြောက်သောင်းလောက်ပေးရသည်၊ အဲဒီတုန်းက တရုပ်ကလာတဲ့ ဆိတ်ငါးကောင် ဘီးတွေကလဲ အသစ်စက်စက်ဆို ခြောက်သောင်း ပေးရတဲ့ ခေတ်ဖြစ်သည်၊ ကမရာ မ၀ယ်ပဲ အမေနဲ့ အဖေအတွက် ဆိတ်ငါးကောင်း စက်ဘီးလေး ၀ယ်ဖို့ စိတ်ကူးက အဲဒီတုန်းက အတွေးမ၀င်ဖြစ်ခဲ့၊
လူကြုံရှိတိုင်း အမေဆီ ငွေတွေမှာဖြစ်နေသည်၊ အမေကလဲ ထည့်ပေးမြဲ ထည့်ပေးနေသည်၊ ဘာမှ မပြော၊
တစ်ရက် ရွာက ကိုတင်အေးကြီး မြို့ပေါက်လာသည်၊ အမေကို မှာထားတဲ့ ၀တ္ထုငွေ ငါးထောင်ကလဲ ပေးလိုက်သေးသည်။
ပြန်ခါနီး ကိုတင်အေးကြီးကို ကားဂိတ်လိုက်ပို့ဖြစ်သည်၊
“ဦးဇင်း၊ တပည့်တော် တစ်ခုလျှောက်ချင်လို့”
ကိုတင်အေးက ဆိုင်မဆင့် ဗုံမဆင့် စကားစသည်
“အေး ၊ လျှောက်လေဗျာ၊ ဘာများလဲ”
“ရွာမှာ မိုးခေါင်တာ သုံးနှစ်ရှိပြီ၊ အဲဒါ ရွာက လူတွေ စီးပွားရေး အဆင်မပြေကြဘူး ဦးဇင်း၊”
“ဦးဇင်းတို့ အမေအိမ်လဲ စီးပွားရေး မကောင်းဘူး၊ တောင်သူလုပ်ငန်း စပါးခင်းတွေက စိုက်လိုက်တိုင်း နှစ်တိုင်းသေကုန်တယ်၊ အခု ဦးဇင်းအမေတောင် မနက်ခင်း ပဲပြုရောင်းလိုက်၊ တိုဟူးလိုက်ရောင်းလိုက် လုပ်နေတာ နေလည်ပိုင်းဆို ရေမုန့်လုပ်ရောင်းတယ် ၊ အဲဒါ ဦးဇင်း ရွာပြန်လာရင် စိတ်မကောင်းဖြစ်မှာစိုးလို့ ဦးဇင်း ရွာရှိတဲ့အချိန်ဆို မရောင်းဘူး၊
မနက်အာရုံဆွမ်းချိုင့်လဲ စွီားရေး အဆင်ပြေတုန်းကလို အမောက်အလျှံကြီး ပို့နေတာ ၊ ဦးဇင်း စိတ်မကောင်းဖြစ်မှာစိုးလို့ ဦးဇင်း ကို မပြောတာ၊
အခု တပည့်တော်တောင် ဦးဇင်းကို ပြောရကောင်းမလား မပြောရကောင်းမလား တွေးနေတာ၊ မပြောရင်လဲ ဦးဇင်း မသိမှာစိုးလို့၊ ပြောပြန်ရင်လဲ စိတ်မကောင်းဖြစ်မှာစိုးလို့၊ နောက်ထပ် အတွင်း ပစ္စည်းတွေကလဲ ဦးဇင်းကို ရဟန်းခံပေးတုန်းက ထုခွဲရောင်းချပစ်လိုက်ရလို့ ဦးဇင်းအမေဆီမှာ မရှိတော့ဘူး ဘုရား”
စိတ်မကောင်းတော့ မဖြစ်ပါနဲ့ ဘုရား၊ ဦးဇင်း စာသာကြိုးစားပါ၊ ရွာမှာက ဦးဇင်းတို့ တစ်အိမ်ထဲ စီးပွားရေး မကောင်းတာ မဟုတ်ပါဘူး၊ တစ်ရွာလုံး မိုးမရွာလို့ ကပ်ဆိုဒ်တဲ့ သဘောပါ၊ ဦးဇင်းက ရွာကို မေတ္တာများများ ပို့ပေးပေါ့ ဘုရား၊”
“ကားထွက်တော့မယ် ဘုရား၊ တပည့်တော်လဲ ပြန်လိုက်ဦးမယ် ခွင့်ပြုပါဦး ဘုရား”
ကိုတင်အေးကြီးနဲ့အတူ သူ ထွက်သွားတဲ့ ကားကြီးကို ကြည့်ပြီး ရွာကလူတွေ မိုးခေါင်နေတဲ့ ကပ်က လွတ်ဖို့ မေတ္တာပို့ပေးရမလား၊ အမေ့ဆီကိုပဲ ပြေးသွားပြီး အမေဘာလို့ ညာခဲ့တာလဲ ၊ အမေဘာလို့ ညာခဲ့တာလဲ လို့ မေးရမလား၊ တွေတွေကြီး စဉ်းစားငေးငိုင်လျှက် ကျန်ခဲ့လေသည်။
********************
ရွှေမန်းသား
No comments:
Post a Comment