ကိုယ်ဝန်ဖျက်ချတာဟာ အပြစ်ကြီးပါသလား

အရှင်ဘုရား တပည့်တော်သိတာ ကိုယ်ဝန်ဖျက်ချတာလဲ အရမ်းအကုသိုလ်ကြီးပြီး ငရဲကျတယ်ဆိုတာ ဟုတ်ပါသလား။ ဒီခေတ်မှာ ဒီအမှုမျိုး တော်တော်လုပ်ကြလို့ ဟုတ်မဟုတ်သိချင်ပါတယ်ဘုရား။ အကျိုးအပြစ် အတိမ်အနက်ကိုလဲသိချင်ပါတယ်ဘုရား။ ဘာလို့လဲဆိုရင် တိုးတက်တဲ့ နိုင်ငံတွေမှာ ကိုယ်ဝန်ရှိပြီဆိုတာနဲ့ အာတာဆောင်းရိုက်ပါတယ်ဘုရား။ သရီးဒီနဲ့ရိုက်ပါထယ်။ ရိုက်လို့ကလေးက ခြေလက်အင်္ဂါအစုံမပါဘူး ဥာဏ်ရည်မမှီဘူးဆိုရင် ဆရာဝန်တွေက တခါတည်းဖျက်ဖို့ အကြံပေးပါတယ်။ ဒီလိုမျိုးကြုံလာရင် ဘယ်လိုဆုံးဖြတ်သင့်လဲဆိုတာ တော်တော်ခက်ပါတယ်ဘုရား။ များသောအားဖြင့် လက်ခံလိုက်တာများပါတယ် ဘုရား။ အကုသိုလ်အတိမ်အနက်ကိုသိရင် အမှားမလုပ်မိတာပေါ့ဘုရား။
                                                                                    
                                                                                                 Thet Sone Tie ( စင်္ကာပူ)

ကိုယ်ဝန်ဖျက်ချတာဟာ အပြစ်ရှိပါသလားဆိုတော့ အပြစ်ရှိပါတယ် လို့ ဖြေရပါမယ်၊ ဘာကြောင့်လဲ ဆိုရင် သာမာန်အမြင်နဲ့ ကြည့်ရင် အသက်မရှိသေးဘူး၊ လူဖြစ်လာသေးတာ မဟုတ်တဲ့ အတွက် အပြစ်မဖြစ်ဘူးလို့ ထင်မြင်စရာရှိပါတယ်၊
ပိုပြီးတော့ နားလည်လွယ်အောင် ဆေးပညာသဘောတရားလေးနဲ့ အရင်ဖြေကြည့်ချင်ပါတယ် ( နားနဲ့ မနာ ဖ၀ါးနဲ့ နာခံပါ) အရွယ်ရောက်ပြီး အရွယ်မလွန်သေးတဲ့ မိန်းကလေးတယောက်မှာ လစဉ်လတိုင်း ရာသီလအလည်ရက်လောက်မှာ Ovary မျိုးဥအိမ် တဖက်ဖက်ကနေ မ-မျိုးဥတခု ထွက်နေမယ်။ ဒါကို Ovulation မျိုးဥထွက်ခြင်းလို့ ခေါ်တယ်။ ခန့်မှန်းခြေပြောရရင် ရာသီစလာတဲ့ နေ့ရဲ့ နောက် (၂ ) ပတ်အကြာမှာဖြစ်မယ်။
Ovary မျိုးဥအိမ်ကနေ ရင့်မှည့်နေတဲ့ မျိုးဥထွက်လာတာနဲ့ Fallopian tube သားအိမ်ပြွန်ထဲ ကို အဖျားမှာ လက်ဝါးလိုနေတဲ့ အပေါက်ဝကနေ ဝင်လာမယ်။ အဲဒီခရီးအတွင်းမှာ (ဗဂျိုင်းနား-သားအိမ်) ကနေဝင်လာမဲ့ Sperm ကျားသုက်ပိုးနဲ့ တွေ့လိမ့်မယ်။
ယောက်ျားတစ်ယောက်ကနေ လိင်ဆက်ဆံမှုဖြစ်စဉ် အဆုံးတိုင်းမှာ သုက်ရည်တွေ ထွက်တယ်။ တခါထွက်တဲ့ အထဲမှာ Sperm သုက် အကောင်ရေ သန်း ၄ဝ ကနေ ၁၅ဝ ပါနေမယ်။
အမျိုးသမီး Vagina ဗဂျိုင်းနာထဲမှာ အဲလို စွန့်ထုတ်-ပန်းထွက်မှု ဖြစ်တာနဲ့ သုက်ကောင်တွေဟာ သားအိမ်ဝကနေ Uterus သားအိမ်ထဲကို ရေကူးသလို တက်လာကြမယ်။ မ-မျိုးဥကို အငန်းမရ လိုက်ရှာနေကြတာ ဖြစ်တယ်။ အမြန်ဆုံး သုက်ပိုးဟာ နာရီဝက်သာ ကြာတယ်။ နှေးတဲ့ကောင်တွေက တစ်ရက်နဲ့ မရောက်နိုင်ဘူး။

အမျိုးသမီးကိုယ်ထဲမှာ သုက်ပိုးဟာ ၄၈ နာရီကနေ ၇၂ နာရီအထိ ရှင်နေနိုင်တယ်။ ပန်းတိုင်အထိ အရောက် ကူးလာနိုင်တဲ့ သုက်ကောင်ရေ ရာဂဏန်းလောက်သာ ရှိတယ်။
တခုတည်းသော သုက်ပိုးကနေ ရင့်သန်မှုရှိနေတဲ့ Egg မျိုးဥထဲကို ထိုးဖေါက် ဝင်ရောက်တာနဲ့ Conception သန္ဓေတည်ခြင်း ဒါမှမဟုတ် Fertilization မျိုးစပ်ခြင်းဖြစ်စဉ် စတင်ပါတော့မယ်။

ဒီဖြစ်စဉ်က ၂၄ နာရီသာကြာတယ်။ ဒီအချိန်မှာ Genetic makeup မျိုးဗီဇအသစ်ပုံဖေါ်မှု ပြီးဆုံးသွားပြီ ဖြစ်တယ်။ မွေးလာမဲ့ကလေးဟာ မိန်းကလေးလား၊ ယောက်ျားလေးလား သတ်မှတ်လိုက်ပြီ ဖြစ်တယ်။

ဒါက ဆေးပညာအရင် ပြောပြထားတဲ့ ပဋိသန္ဒေ တည်တာနဲ့ ပတ်သက်တဲ့ လုပ်ဆောင်ချက် တွေ ဖြစ်ပါတယ်၊ မြတ်စွာဘုရား အဘိဓမ္မာမှာလဲ ဒါကို ထောက်ခံထားပါတယ်၊

ပုဂ္ဂိုလ်သတ္တ၀ါတစ်ယောက်ဖစ်လာတော့မယ်ဆိုတော့မယ်ဆိုရင်
(၁) အတိတ်ကံက ကာယဒသကကလာပ်=ကိုယ်ဖြစ်မဲ့ရုပ်၊
(၂) ဘာဝဒသကကလာပ်=ယောင်္ကျားမိန်းမဖြစ်မဲ့ရုပ်၊
(၃) ၀တ္ထုဒသကကလာပ်=စိတ်နှလုံးဖြစ်မဲ့ရုပ်အဲဒီကလာပ်(၃)စီး၊ရုပ်ပေါင်း(၃၀)ကိုပစ်ချပေးပါတယ်။
သတ္တ၀ါရဲ့အစလို့ဘဲဆိုရမှာပေါ့၊ ပဋိသန္ဒေ စိတ်ကလေးပါ၊ ဒီပဋိသန္ဒေစိတ်ဖြစ်တာနဲ့ ကံကြောင့်ဖြစ်
သောရုပ်၊စိတ်ကြောင့်ဖြစ်သော ရုပ်တို့လဲ အဆင့်ဆင့်ဖြစ်ကြပါတယ်။
ကံတရားကသူ့မှတ်တမ်း ကမ္မပစ္စယသတ္တိကိုကိုကြည့်ပြီး ပုံကြမ်းချပေး၊စိတ်ဥတုအာဟာရတို့နဲ့ ပြင်ဆင်လိုက်တာနဲ့ ပုဂ္ဂိုလ်သတ္တ၀ါတစ်ယောက်ရဲ့ ပုံပေါ်လာပါတယ်။ တဖြည်းဖြည်းကြီး ထွားပြီးလာပါတယ်။

ဒီအချိန်မှာ သူ့သန္တာန်မှာဖြစ်နေတဲ့ စိတ်ကဘ၀င်စ်ိတ်တွေပဲ ဖြစ်နေပါတယ်၊
အခုပြောပြခဲ့တဲ့ ဆေးပညာဖြစ်စဉ်တွေ အဘိဓမ္မဖြစ်စဉ်တွေကို ကြည့်ခြင်းအားဖြင့် ကိုယ်ဝန်တည်နေ တာဟာ အသက်မရှိသေးဘူးလို့ ပြောဆိုလို့ မရတော့ပါဘူး၊ အသက်ရှိနေပါတယ်၊ ဒါဆို အဲဒိကိုယ်ဝန်ကို ဖျက်ချလိုက်ရင် ဘယ်လိုအပြစ်တွေ ဖြစ်မလဲ စဉ်စားကြည့်ကြရအောင်ပါ၊ ကိုယ်ဝန်ဆိုပေမေ့ အဲဒိကိုယ်ဝန်သားလေးမှာ အသက်ပါနေပါပြီ ဒါဆို သတ္တ၀ါ တစ်ဦးတစ်ယောက်ကို သေစေလိုတဲ့ စေတနာနဲ့ သတ်ရင် အောက်မှာပြောပြမယ့် အင်္ဂါတွေနဲ့ ငြိနေရင် အပြစ်ဖြစ်ပါတယ်၊ အဲဒီ အင်္ဂါတွေကတော့ -

(၁)သတ္တ၀ါဖြစ်ခြင်း၊
(၂)သတ္တ၀ါဟုသိမှတ်ခြင်း၊
(၃)သတ်လိုသော၊သေစေလိုသောစိတ်စေတနာရှိခြင်း၊
(၄)သေစေရန်ပြုလုပ်အားထုတ်ခြင်း၊
(၅)ထိုပြုလုပ်အားထုတ်မူကြောင့်သေခြင်း။

အခုပြောပြခဲ့တဲ့ အချက်ငါးချက်နဲ့ ပြည့်စုံမယ်ဆိုရင် ကိုယ်ဝန်ဖျက်ချတာဟာ သူတစ်ပါး အသက်ကို သတ်ခြင်းပါပဲ၊ အဲဒါကြောင့် သူ့အသက်သတ်ခြင်းကြောင့် ရမယ့် ဆိုးကြိုးတွေကို ရင်ဆိုင် ကြုံတွေ့ ရမှာပါ၊ အဲဒါကို လင်္ကာလေးနဲ့ မှတ်ရလွယ်အောင် တောင်မြို့မဟာဂန္ဒာရုံ ဆရာတော်ကြီးက အခုလို

“ပါဏာတိပါတ်၊ သူ့သက်သတ်က
ချို့တတ်အင်္ဂါ၊ မွဲပြာရုပ်သွင်
အားအင်ချို့ယွင်း၊ လျှင်ခြင်းလည်းဝေး
ဘေးကိုကြောက်တတ်၊ အသတ်ခံရာ
အနာများလျက်၊ ခြွေရံပျက်၍
အသက်တိုလျ၊ ပြစ်များစွသည်
ရှောင်ကအပြန်၊ အကျိုးတည်း။” လို့ ဖွဲ့ဆိုထားပါတယ်

အဲဒီလင်္ကာအရ သူ့အသက်ကိုသတ်သူများဟာ ဖြစ်ရာဘဝမှာ မိခင်ဝမ်းတွင်းကတည်းက ကိုယ်လက်အင်္ဂါအပြည့်မစုံ ဖြစ်လာတတ်ပါတယ်။
ရုပ်ရည်မှာ ကြည့်မရလောက်အောင် မွဲပြာနေတတ်ပါတယ်၊ ။ အားအင်ခြောက်ခန်းပြီး ချိနဲ့နေတတ်ပါတယ်။
လျှင်မြန်ဖျတ်လတ်မှုမရှိဘဲ လေးလံထိုင်းမှိုင်းနေတတ်ပါတယ်။ အမြဲတန်း ကြောက်ကြောက်ရွံ့ရွံ့ တုန်တုန်ခိုက်ခိုက်နေရတတ်ပါတယ် ။ သူတစ်ပါးအသတ်ကိုခံရပါတယ်။ သူတစ်ပါးက လာမသတ်လျှင် မိမိကိုယ်မိမိ ပြန်သတ်တာမျိုး လုပ်ပြီး သေကြောင်းကြံတတ်ရပါတယ် ။

အဆိပ်သောက်သေသူများ၊ ရေထဲခုန်ချသေသူများ၊ ရထားအကြိတ်ခံသေသူများဟာ ပါဏာတိပါတကံ ပါလာသူများဖြစ်ကြပါတယ်။ နောက်ထအ် ဆိုးကျိုးများမှာ အနာရောဂါများခြင်း၊
အခြွေအရံပျက်ခြင်း၊ အသက်တိုခြင်းတို့ဖြစ်တတ်ပါတယ်၊ ။ အကယ်၍ သူ့အသက်ကို သတ်ခြင်းမှ ရှောင်ကြည်မည်ဆိုလျှင် ယခုဆိုးကျိုးများရဲ့ ဆန့်ကျင်ဘက် -

- ဖြစ်ရာဘဝကိုယ်လက်အင်္ဂါပြည့်စုံစွာဖြစ်ရခြင်း။
- ရုပ်ရည်ချောမောလှပ ကျက်သရေရှိခြင်း။
- ခွန်အားဗလကြီးခြင်း။
- လျှင်မြန်ဖျတ်လတ်ခြင်း။
- ရဲရဲရင့်ရင့် တုန်လှုပ်မှုကင်းစွာ နေနိုင်ခြင်း။
- အနာရောဂါကင်းဝေးခြင်း။
- အခြွေအရံများခြင်း။
- အသက်ရှည်ခြင်း။

စတဲ့ ကောင်းကျိုးများကို ပြန်လည်ရရှိမည်ဖြစ်ပါတယ်၊ ။ လူသားတွေမှာ သက်တမ်းဆုတ်သောကပ်၊ တက်သောကပ်ဟူ၍ နှစ်မျိုးရှိပါတယ်။ သီလမရှိမှုကြောင့် ဆုတ်ကပ်ဖြစ်ရပြီး သီလရှိမှု သီလနဲ့ ပြည့်စုံမှုကြောင့် တက်ကပ်ဖြစ်ရပါတယ် ။ ယခုအချိန်ကို ဆုတ်ကပ်အချိန်ဟုဆိုရပါမယ် ။ မရေမတွက်နိုင်အောင် အသက်ရှည်သော အသေင်္ချေယတန်းမှစ၍ ဆုတ်လာခဲ့ရာ (၇၅) နှစ်တန်းအချိန်သို့ပင် ရောက်လာပါပြီ။

ဒါကြောင့် နောက်ဆုံး နိဂုံးချုပ်နေနဲ့ ပြောပြချင်တာကတော့ ကိုယ်ဝန်ဖျက်ချတာဟာလဲ သူတစ်ပါး အသက်ကို သတ်ခြင်းဖြစ်တဲ့ အတွက် အပြစ်ကြီးပါတယ်၊ အသက်ရှည်၊ ကျန်းမာ ချမ်းသာပြီး အနာရောဂါ ကင်းချင်ပါရင် ကိုယ်ဝန်ဖျက်ချတာက အစ သူတစ်ပါး သတ်ခြင်းအမှုကိစ္စများကို ဝေး စွာရှောင် ရှားကြပါလို့ တိုက်တွန်းစကား ဆိုလိုက်ပါရစေ ------------------၊
ေ
ရွှေမန်းသား အရှင်အကုင်္ရ
http://mingalargarden.blogspot.in/
3.8.2014 , moment India. Annamalai university.
ကျမ်းကိုး-
ခုဒ္ဒက အဋ္ဌကထာ( ၂၂)
ဒေါက်တာတင့်ဆွေရဲ့ ဆေးပညာဆိုင်ရာ အမေးအဖြေများ