ဘုရားကဇွန်းခရင်း နဲ့ ဘုန်းပေးတတ်လို့လား တစ်ရူးထုတ်ကော သုံးတတ်လို့လား ဘုရားက သိမှာတဲ့လား

အရှင်ဘုရား...

တပည့်တော်မ ရိုသေလေးမြတ်စွာ ရှိခိုးကန်တော့ရင်းမေးခွန်းတစ်ခု မေးခွင့်ပြုတော်မူပါဘုရား...
ဟိုးးအတော်ကြာပါပြီ..ဘုန်းဘုန်းတစ်ပါး ရဲ့ တရားခွေ မှာ နာခဲ့ဖူးပါတယ်.. မြတ်စွာဘုရား ဆွမ်းကပ်ရင် လူ အတော်များများ ဆွမ်းတော်ပန်းကန်လေးတွေ ရေကြည်တော်ခွက်လေးတွေပါ.. ကလေးကစားစရာလောက်လေး သေးသေးလေးတွေနဲ့ ကပ်ကြတယ်တဲ့..

လူပုဂ္ဂိုလ် တိုင်း ထမင်းစားရင် ကော အဲလိုပန်းကန် သေးသေးလေးတွေနဲ့ စားကြည့်စမ်းပါ..တဲ့ ...ဘာနဲ့တူနေမလဲ..အေး..ကလေးကစားစရာ ခွက်လေးတွေရှေ့ချ ကစားနေတာနဲ့ မတူနေပေဘူးလား လို့ ဘုန်းဘုန်းကမေးတော့ တရားနာပုဂ္ဂိုလ်တွေက တူပါတယ် ဘုရား တဲ့

ဒါဆို ဦးဇင်းတို့ ကိုးကွယ်နေတဲ့ ဗုဒ္ဓမြတ်စွာ ဘုရားကိုကော ဆွမ်းရေချမ်း ကပ်ရာမှာ လူတွေထက် သင့်မြတ်လျှောက်ပတ်မဲ့ အရာတွေနဲ့ မကပ်သင့်ပေဘူးလား...လို့ မေးတော့ အကုန်လုံးကပ်သင့်ပါတယ် ဘုရား လို့ ပြန်ဖြေခဲ့တာ ကို... နာကြားခဲ့ရပါတယ်ဘုရား

တပည့်တော်မလည်း နာကြားရချိန်ခါက စလို့ ယနေ့ထိ တိုင်..
အိမ်မှာ နေ့တိုင်း ဆွမ်းတော်ကပ်ရင်... သက်ရှိထင်ရှားရှိတော်မူတဲ့ အရှင်ဗုဒ္ဓမြတ်စွာ ဘုရား ကိုရည်စူး၍ ဘုရားစင်ရှေ့မှာ နိသီဒိုင် ကို ခင်းကျင်း ပင့်ဖိတ် ပြီး တပည့်တော်မ သဒ္ဒါအားရှိသမျှ ချက်ပြုတ် ကပ်လှူ ခဲ့တာအတော်ကြာ ပါပြီဘုရား..

အဲဒီလို ကပ်လှူပူဇော် ချိန်မျိုး ဆို တပည့်တော်မှ ရင်ထဲမှာ အလွန်ပင် အမည်မဖေါ်ပြနိုင်သော ပီတိ မျိုးတွေ ရရပါတယ်.. ဘုရားခန်း တစ်ခုလုံး.. လည်း ကျက်သရေ ရှိပြီး နွေးထွေးမူ့မျိုးတွေ ရှိလာတယ်လို့ ခံစားမိပါတယ်..

ခု တပည့်တော်မ သိချင်တာက လူတစ်ယောက်က မေးတာအမေးခံဖူးပါတယ်..
ဘုရားကဇွန်းခရင်း နဲ့ ဘုန်းပေးတတ်လို့လား တစ်ရူးထုတ်ကော သုံးတတ်လို့လား ဘုရားက သိမှာတဲ့လားတဲ့ တပည့်တော် ဒီလို ကပ်တော့ အပြင်ပန်းအမြင်.. သူတို့ စိတ်အာရုံတွေမှာ ကဲ့ရဲ့တာလား... ဘယ်လိုစိတ်မျိုးဝင်သွားတယ်ဆိုတာ သိချင်တာပါဘုရား..

တပည့်တော်က အဲလူကြီးကို စာများများဖတ် တရားများများနာ လို့ပဲ ပြန်ပြောခဲ့မိပါတယ်..

ခု တပည့်တော်မ ဒီလိုလှူတာ နဲ့ပါတ်သက်လို့ တချိန်က ဘုန်းဘုန်းတရားကို နာကြားရလို့ အသိတစ်ခုတိုးရင်း ခုလို ကပ်လှူတာ တစ်ခုတည်းရှိပါတယ်ဘုရား..သက်ရှိထင်ရှားရှိတော်မူတဲ့ မြတ်စွာဘုရားကဲ့သို့ ကပ်တယ် မကတ်တယ်ဆိုတာ နာကြားရတဲ့ တခြားသူတွေတော့မသိပါ..

ဒီလို ကပ်လှူပူဇော် ရတဲ့ ကုသိုလ် အဖို့ ပါက ဘယ်အထိ ပြီးဖြစ်မြောက် နိုင်ပါသလဲ ဘုရား...ခုလို တပည့်တော်မ ဆွမ်းကပ်တာနဲ့ ပါတ်သက်လို့ သင့်တော်မသင့်တော် သိချင်ပါတယ်ဘုရား။

မယ်လေး


မေးထားတဲ့ မေးခွန်းတွေကို ဖြေရမယ်ဆိုရင် ဘုရားက ဇွန်းခရင်းနဲ့ ဘုန်းပေးတတ်လို့လား တစ်ရှူးသုံးတတ်လို့လားလို့ မေးတာတွေဟာ ဆွမ်းတော်တင်တာကို ရေးကြီး ခွင်ကျယ်
လုပ်နေတယ်လို့ ထင်လို့မေးကြတဲ့ မေးခွန်းဖြစ်နိုင်ပါတယ် ဒကာမလေး၊

ဒါနဲ့ ပတ်သက်လို့ တစ်ဆက်တည်းပြောပြရရင် မြတ်စွာဘုရားက သူမရှိတော့တဲ့ နောက်ပိုင်း သူကိုယ်စား ကိုးကွယ်ပူဇော်ဖို့ စေတီတော်လေးမျိုးဆိုတာကို သတ်မှတ်ပေးခဲ့ပါတယ်၊
အဲဒါတွေက ဘာတွေလဲ ဆိုရင်-

(၁) ဓာတုစေတီ= မြတ်စွာဘုရားရှင်ရဲ့ ဓာတ်တော်မွေတော်တွေ၊

(၂) ဓမ္မစေတီ= မြတ်စွာဘုရား ဟောကြားပြသဆုံးမခဲ့တဲ့ တရားတော်တွေ၊

(၃) ဥဒ္ဒိဿစေတီ= မြတ်စွာဘုရားရှင်ကို ရည်မှန်ပြီး ထုလုပ်ထားတဲ့ ကြေးဆင်းတု၊ စေတီပုထိုးတော်၊ အဆောက်အဦး စတာတွေ၊

(၄) ပရိဘောဂ စေတီ= မြတ်စွာဘုရားရှင်ရဲ့ အသုံးအဆောင်ဖြစ်တော်မူတဲ့ ရေစစ်တော်၊သင်္ကန်းတော် ၊တောင်ဝှေးတော် စတာတွေ

ဖြစ်ပါတယ်၊

အခုမယ်လေး ဆွမ်းကပ်လှူနေတာဟာ ဥဒ္ဒိဿစေတီလို့ခေါ်တဲ့ မြတ်စွာဘုရားကို ရည်းမှန်းထုလုပ်ထားတဲ့ ဆင်းတုတော်မြတ်ရှေ့မှာ သက်တော်ထင်ရှား ဘုရားရှင်အလား စိတ်ထားနဲ့
ကြည်ညိုပူဇော်နေတာပါ၊ အဲဒီလို ပူဇော်တဲ့အခါမှာလည်း ပြီးပြီးရောဆိုပြီး စိတ်ထဲက မသတ်မှတ်ပဲ တကယ်ကို စေတနာနဲ့ သဒ္ဒ္စါတရားနဲ့ ယုံကြည့်မှုနဲ့ ကပ်လှူပူဇော်နေတာပါ၊

မြတ်စွာဘုရားရှင်ကလဲ အဲဒီလိုပူဇော်တဲ့နေရာမှာ သူတော်ကောင်းကြီးတွေရဲ့ နည်းစနစ်တွေကို လိုက်နာရင် အကြိုများလို့ သူတော်ကောင်းကြီးလုပ်ကြတဲ့ လုပ်ခဲ့တဲ့ နည်းငါးမျိုးကို ဟောကြားခဲ့ပါတယ်၊ အဲဒါတွေက ဘာတွေလဲဆိုရင် -

( ၁) သဒ္ဒ္စါဒါန= ကံကံရဲ့အကျိုးကို ယုံကြည်ပြီး လှူဒါန်းတာ၊

(၂) သက္ကစ္စဒါန= အလှူဝတ္ထုနဲ့ အလှူခံပုဂုိလ်တို့ကို ရိုရိုသေသေလုပ်ပြီး လှူဒါန်းတာ၊

(၃) ကာလဒါန= သင်တင့်လျှောက်ပတ်တဲ့အခါမှာ ပေးလှူတာ၊

(၄) အနုဂ်ဂဟိတ စိတ္တဒါန= မလှူခင် ၊လှူဆဲ၊ လှူပြီး ကာလသုံးပါးလုံးမှာ မိမိလှူလို်က်တဲ့ ပစ္စည်းကို နှမြောစုံမက် နှစ်သက်ခြင်းမရှိပဲ လွတ်လွတ်လပ်လပ် ပေးလှူလိုက်တာ။

(၅) အနုပ  ဟစ္စဒါန= မိမိကိုယ်ကိုယ်လဲ မချီးမြှောက် သူတစ်ပါးကိုလဲ မကဲ့ရဲ့မရှုတ်ချတဲ့ စိတ်နဲ့ လှူဒါန်းလိုက်တာ။

ဆိုတဲ့ သပ္ပုရိသဒါန ( ၅) မျိုးပဲဖြစ်ပါတယ်၊

အဲဒိတော့ မိမိလှူဒါန်းတာ ၊ ဘုရားရှင်ကို အထက်က ဖော်ပြထားတဲ့ သူကောင်းကြီးတွေစိတ်ထားကြတဲ့ စိတ်ထားနည်းငါးမျိုးနဲ့ လှူမယ်ဆိုရင်၊

အကျိုးပေးဟာ အတိုင်းထက်အလွန် တံခွန်နဲ့ ကုက္ကားလို့ ဆိုရမှာပါ၊

မြတ်စွာဘုရားကတော့ ဆွမ်းလှူရတဲ့အကျိုးကို ငါးမျိုးဟောထားခဲ့ပါတယ်၊ အဲဒါတွေက ဘာတွေလဲဆိုရင်-

(၁) အသက်ရှည်မယ်၊

(၂) ရုပ်ရည်အဆင်းလှပမယ်၊

(၃) စိတ်ချမ်းသာ ကိုယ်ချမ်းသာဖြစ်မယ်၊

(၄) ခွန်အားဗလတောင်တင့်သန်မာမယ်၊ ငါးဖောင်ရိုးလေးမဖြစ်ဘူးပေါ့၊

(၅) ဥာဏ်ပညာကြီးမားမယ်၊ ဥာဏ်ကောင်းမယ်ဆိုတဲ့ အကျိုးတွေရပါမယ်၊

နောက်ဆုံးအနေနဲ့ အားလုံးကို ချုံပြောရရင် ဥဒ္ဒိဿစေတီဖြစ်တဲ့ မြတ်စွာရားကို ရည်စူးရမှန်းထားတဲ့ စေတီပဲဖြစ်ဖြစ် ၊ ရုပ်တုတော်ပဲဖြစ်ဖြစ်၊ မြတ်စွာဘုရားရှင်အလား ရိုရိုသေသေ လေးလေးစားစား သက်ရှိထင်ရှားဘုရားရှင်အလား ပုံတော်မှာ ဂုဏ်ဖော်ကာ လှူဒါန်းမယ်ဆိုရင် မြတ်စွာရားဟောကြားချမှတ်ထားတဲ့ ဆွမ်းအကျိုးငါးပါးကို အပြည့်အ၀ 10 percent အပြည့်အ၀ရမှာပါ၊

အဲဒိလိုမှမဟုတ်ပဲ ဖြစ်ကတတ်ဆန်း ခွက်သေးသေးလေးနဲ့ စိတ်မပါ လက်မပါ ပုံတော်မှာလဲ ဂုဏ်တော်မရောက်ပဲ လှူဒါန်းမယ်ဆိုရင် ဆွမ်းအကျိုးကလဲ percent အပြည့်အ၀ရမှာ မဟုတ်ဘူးဆိုတာ ဖြေကြားလိုက်ပါမယ်၊

ရွှင်လန်းချမ်းမြေ့ပါစေ
ရွှေမန်းသား အရှင်အကုင်္ရ

p;s ဇော်ဂျီဖောင်အခက်အခဲကြောင့် ပါဌိပါဒ်ဆင့်များ မှားယွင်းနေလျှင် သည်းခံပေးကြပါရန်။