အတာ သင်္ကြန်ဒီပွဲ-- မြူးမြူးကြွကြွ --စီတိုသံ ညံမစဲ --နှစ်ကူးတန်ခူးလ၊ လောကကြီးမှာ-- ပျော်တယ်ဗျ၊- အတာပွဲမှာ ဆုံတွေကြ-- မေ့မရနိုင်ဘူး ဗျ၊ -ထူးထူးခြားခြား မြူးမြူးကြွ ကြွတေးသံ လှလှ------
အခုလိုသင်္ကြန်သီချင်းတွေ ကြားမိတိုင်း သူလက်က အလိုလိုဦးခေါင်းစီကဖုထွက်နေ သော ဘုတစ်ခု ဆီကို ရောက်ရောက်သွားတတ်သည်၊ ကေ၀ဋ်ပုဏားက သူ့နဖူးက အမာရွတ်ကိုမြင်လေတိုင်း အမတ်ပညာရှိ မဟော်သဓာကို သတိရသလို သူလဲ သူနဖူးက အမာရွတ်ဘုလေးကို လက်ရောက်မိတိုင်းကျေးဇူးရှင်ကြီး ဂျမ်းပုံကို သတိရ နေတတ်သည်၊
စိတ်ဆိုသည်မှာလဲ အခက်သား တားထားရက်ကြားက ပြေးသွားတတ်တာမျိုး၊တိုးတိုး လေးဝှက်ထားပါမှ ပိုလို့ ရုန်းထွက်တတ်သည်၊ အော် ဒါကြောင့် ဘုရားရှင်က “စိတ္တေန နိယတေ လောကော= စိတ်ကလောကကြီးကို ဖန်းဆင်းတာ” လို့ ဟောကြား ခဲ့တာ ဖြစ်မည်၊
ဒါကြောင့် အခု သူ့စိတ်တွေသည် သင်္ကြန်သီချင်း၊ တီးလုံး ပိတောက်အငွေ့အသက်တွေရလာတာနဲ့ ကုန်လွန်ခဲ့တဲ့ အတိတ်တစ်ခုစီကို ပြေးသွားနေသည်၊ တားဆီး ဖမ်းထားခြင်းငှာမစွမ်းသာ-----------၊
(၂)
ခွပ်
အား
ပြီးတော့ ကိုရင် အောင်ဘုခေါင်းမှာ သွေးတွေရဲထလာသည်၊
ဟာ ကိုရင်အောင်ဘု ခေါင်းမှာသွေးတွေနဲ့ ဆေးခန်းသွား၊ ဆေးခန်းသွား
တစ်ယောက်တစ်ပေါက်အသံတွေကြားထဲ ချင်းချင်းနီရဲနေတဲ့ သွေးတွေကိုလက်နဲ့ ကာအုပ်ရင်း ရွာလည်က ဆေးပေးခန်းကို ဥပုသ်သည်တွေ လိုက်ပို့လို့ ရောက်ခဲ့သည်၊
ဆေးခန်းတွင် ဆရာမနဲ့ အဆင်သင့်တွေ့ရသည်
ကိုရင် ဘာဖြစ်တာလဲ
ခေါင်းပေါက်သွားလို့ ဆရာမ
ဘယ်သူကြောင့်လဲ
ဂျမ်းပုံက ရေအိုးနဲ့ ပေါက်လို့ ဆရာမ
ဘာလို့ ပေါက်တာလဲ ကိုရင်
ရေပက်လိုက်လို့ ဆရာမ
ကိုရင်က ဘာလို့ ရေပက်ရတာလဲ
သင်္ကြန်မို့ပါ ဆရာမ
ဆရာမက မေးရင်းနဲ့ အာရုံလွဲကာ အနာကို ဆေးထည့်ပေးလိုက်သည်၊
(၃)
သူသည် သင်္ကြန်အကြိုနေ့က ခေါင်းပေါက်ထားပေမယ့် အမှတ်မရှိစွာ၊ ဂျမ်းပုံရှိတဲ့ ဓမ္မာရုံနား ရစ်ဝဲနေမိပြန်သည်၊
ဂျမ်းပုံအဒေါ်နဲ့ ဥပုသ်သည်တွေအားလုံး သီလယူနေစဉ် ဓမ္မာရုံအပြင်ဘက်တွင်ဂျမ်းပုံနဲ့ သူ့သူငယ်ချင်းတစ်ခု ကြိုးခုန်တမ်းကစားနေရာကို အရဲ စွန့်သွားကာ
ဂျမ်းပုံ
ဘာတုန်း
ရော့
ပေးဖို့ရန် အခွင့်မသာသမို့ ခဏခဏ သိမ်းထားသော အရောင်မှိုင်းနေသောစာရွက်ခေါက်လေးကို ထုတ်ပေးလိုက်သည်၊
ဂျမ်းပုံက မူတူတူနဲ့ မယူချင် ယူချင်လုပ်နေသည်၊ သူ့အဒေါ် အပျိုကြီးသီလယူနေတဲ့ ဘက်ကြည့်လိုက် သူ့ဘက် ကြည့်လိုက်နဲ့ စိတ်တွေဗျာများနေပုံရသည်၊
သူကလဲ ထိုအခွင့်အရေးကို လက်လွတ်မခံပဲ ဂျမ်းပုံကိုင်ထားတဲ့သင်္ကြန်ရေပုံးလေး ထဲ သူ့စာရွက်ခေါက်လေးကို ပစ်ပေးကာ ထွက်ပြေးလာခဲ့သည်၊
ဟူး----------------
သူ့ရင်ထဲ အလုံးကြီးတစ်ခု ကျသွားပြီ၊ ထိုနေ့က ပျော်လိုက်တာမပြောနဲ့တော့၊ သူပြောချင်တာတွေကို ဂျမ်းပုံသိတော့မှာကို တွေးပြီး ပျော်နေသည်၊ သင်္ကြန်တွင်းမှာနေ့ဆွမ်းက ဟင်းကောင်းပေမယ့် သူရင်ထဲအပျော်တွေပြည့်ပြီး ဆွမ်းဘုန်းရတာ ၀သလိုကြီးဖြစ်နေသည်၊
နေ့လည်လဲ ရွာထဲအမေဆီခိုးသွားနေကြအခွင့်အရေးကို ထိုနေ့က ပျက်ကွက်ပြစ်လိုက်သည်၊
ကိုရင်အောင်ဘု ဆရာတော် ခေါ်နေတယ်
သူငယ်ချင်း သာဂိက လာပြောချင်းဖြစ်သည်၊
ဟိုက်- ဘာပါလိမ့်
သူတွေးမရ၊ အတွေးစတွေနဲ့ ဆရာတော်ရှေ့မှောက် ရောက်လာသည်
ဆရာတော်ရှေ့ဝယ် ပုဆစ်တုပ်ထိုင်နေသော ဂျမ်းပုံအဒေါ်အပျိုကြီးနဲ့ဂျမ်းပုံကို မြင်လိုက်တာနဲ့ သူသဘောပေါက်သွားသည်၊
ကိုရင် ဒီကို လာ
ဆရာတော်က လေသံမာမာနဲ့ သူ့ကိုခေါ်လေသည်
အခြေနေမကောင်းဘူးဆိုတာ စကားအသွားအလာက သက်သေခံနေပြီ၊
မင်း ဂျမ်းပုံကို စာပေးတယ်ဆို
သူ့သည် မတုန်မလှုပ် ကျောက်ရုပ်တစ်ရုပ်လို ငုတ်တုတ်
ဟဲ့ကိုရင် မင်းဂျမ်းပုံကို စာပေးတယ်ဆို
မှန်မှန်ပြောနော် မပြောရင် မင်းကို ရိုက်ရလိမ့်မယ်
ဟုတ်တယ် ဘုရား ဒီမှာ ၊ ဒီမှာ
ဂျမ်းပုံအဒေါ်ကြီးသည်၊ လျှာသွက်၊ အာသွက်နဲ့ သူ့ မနက်က ဂျမ်းပုံကိုပေးထားခဲ့ သော စာရွက် ၀ါကျင့်ကျင့် အခေါက်လေးကို ဆရာတော်အား ကပ်နေသည်၊
ကဲ ကိုရင် ဒီမှာ သက်သေလဲ တွေ့နေပြီ ဘာညင်းချင်သေးလဲ
ပြောတော့ မင်းဂျမ်းပုံကို စာပေးသလား
တင်းပါး
မတတ်သာသည့် အဆုံး မုသားစကားလုံးတွေကို သူမသုံးချင်တော့
စိတ်ကို ဖြေလျှော့လိုက်ပြီး အမှန်ကို ၀န်ခံလိုက်သည်၊
အေး ကောင်းပြီး ဒါဆို မင်းဒဏ်ထမ်းရမယ် ၊ ကျောင်းအလယ် ကွက်လပ်ကမျက်တွေ ပြောင် အောင်ထိုးပေတော့ ၊ ကိုင်း သွားထိုးချေ၊ ရပြီ
ဆရာတော်က ဂရုဏာသက်စွာ၊ မျက်ထိုးဖို့ ဒဏ်ပေးတာကို ကျေးဇူးတင်ရမည်၊နို့မို့ ဆို ဆရာတော်ရိုက်လျှင် အစင်းထင်ပြီး တော်တော်နဲ့ မပျောက်တော့
ဘာပဲ ဖြစ်ဖြစ် သူဖြေလိုက်သည်၊
( ၄)
( ၄)
ကျောင်းဝိုင်း အလည်က မျက်တွေသည်၊ ရှည်လျှားပြီး အုပ်စုလေးတွေဖြစ်နေပြီ၊ သင်္ကြန်မိုးလေးကျထားသမို့ အုံနဲ့ကျင်းနဲ့ မျက်ထိုးရတာမသက်သာချင်၊ တစ်ခါ တစ်ခါ လက်နဲ့ နှုတ်လိုက်၊ တစ်ခါတစ်ခါ တူရွင်းနဲ့ ထိုးလိုက်၊ နေမညိုခင် ပြီးအောင် တက်သုတ်ရိုက် လုပ်နေရသည်၊သူချင်းတွေက ဘေးက ရပ်ပြီး သူ့ကို အားပေးနေ ကြသည်၊
တစ်ချို့က အချစ်လူစွမ်းကောင်းကြီးဟု မကြားတကြားလှမ်းစကြသေးသည်၊
သူမျက်ထိုးနေတဲ့ ရှေ့မှ ဂျမ်းပုံနဲ့ သူ့အဒေါ်ကြီး ဆရာတော်ဆီမှအပြန်ဖြတ်လျှောက် သွားတာကို ငေးကြည့်ဖြစ်ပြန်သည်၊
“ ဟင်း လူက မျက်ပေတုန်း၊ ဘာစာမှ မတတ်ပဲနဲ့ ငါ့တူမ ရှစ်တန်းကျောင်းသူချောချော လှလှလေးကို လာမှန်းသေးတယ်၊ ဆယ်နှစ်ကြိုးစားလိုက်ဦး ရနေဦးမယ်”
ဒေါနဲ့ မောနဲ့ ပြောချသွားသော ဂျမ်းပုံအဒေါ်နဲ့ စကားလုံးတွေကသူ့ရင်ကို အစင်းလိုက် ၀င်လာသော မျှားတွေပမာ နာကြင်ခံခက်လှသည်၊
“ အော် ရုပ်မလှ၊ ပညာမတတ်ရင် လူ့ဘ၀၊ လူ့လောကမှာ အနှိမ်ခံပါလား”တွေးမိရင် သူပညာတတ်ကြီးဖြစ်ရန် ရည်သန်စိတ်ကူးလိုက်သည်၊
စိတ်ကူးထဲကအတိုင်းကောင်အထည်ဖော်ရန် မန်းရွှေမြို့ကို စာသင်ထွက်ခဲ့လိုက်သည်၊ ဒီလိုနဲ့ နှစ်တွေကြာရာသီတွေကူးတန်ခူးတွေခဏခဏ ပြောင်းပေမယ့် သူ့ရွာကို မရောက်ဖြစ်တာ ကြာခဲ့ပြီ၊ သူလဲ အထိုက်အလျှောက်စာမေးပွဲတွေအောင် စာဝါတွေပြန်လည်ပို့ချ၊ တရားတွေပြနိုင်ခဲ့ပြီး
ဒါတွေသည် ဂျမ်းပုံကြေးဇူးကြောင့် ဟုဆိုချင်နေသည်၊
(၅)
အတာ သင်္ကြန်ဒီပွဲ-- မြူးမြူးကြွကြွ --စီတိုသံ ညံမစဲ --နှစ်ကူးတန်ခူးလ၊ လောကကြီးမှာ-- ပျော်တယ်ဗျ၊- အတာပွဲမှာ ဆုံတွေကြ-- မေ့မရနိုင်ဘူး ဗျ၊ -ထူးထူးခြားခြား မြူးမြူးကြွ ကြွတေးသံ လှလှ------
အခုလိုသင်္ကြန်သီချင်းတွေ ကြားမိတိုင်း သူလက်က အလိုလိုဦးခေါင်းစီကဖုထွက်နေ သော ဘုတစ်ခု ဆီကို ရောက်ရောက်သွားတတ်သည်၊ ကေ၀ဋ်ပုဏားက သူ့နဖူးက အမာရွတ်ကိုမြင်လေတိုင်း အမတ်ပညာရှိ မဟော်သဓာကို သတိရသလို သူလဲ သူနဖူးက အမာရွတ်ဘုလေးကို လက်ရောက်မိတိုင်းကျေးဇူးရှင်ကြီး ဂျမ်းပုံကို သတိရ နေတတ်သည်၊
စိတ်ဆိုသည်မှာလဲ အခက်သား တားထားရက်ကြားက ပြေးသွားတတ်တာမျိုး၊တိုးတိုး လေးဝှက်ထားပါမှ ပိုလို့ ရုန်းထွက်တတ်သည်၊ အော် ဒါကြောင့် ဘုရားရှင်က “စိတ္တေန နိယတေ လောကော= စိတ်ကလောကကြီးကို ဖန်းဆင်းတာ” လို့ ဟောကြား ခဲ့တာ ဖြစ်မည်၊
ဒါကြောင့် အခု သူ့စိတ်တွေသည် သင်္ကြန်သီချင်း၊ တီးလုံး အငွေ့အသက်တွေရလာတာနဲ့ ကုန်လွန်ခဲ့တဲ့ အတိတ်တစ်ခုစီကို ပြေးသွားနေသည်၊ တားဆီး ဖမ်းထားခြင်းငှာ မစွမ်းသာ-----------၊
ဆရာတော် ဥပုသ်သည်တွေစုံပြီး ဘုရား၊ တရားချီးမြှင့်ဖို့ ကြွတော်မူပါဘုရား
အနားဘယ်အချိန်က ရောက်နေမှန်းမသိသော ကပ္ပိယဒကာက လျှောက်ထားမှအသိဝင်လာကာ-
အော်---- အေးအေး
သူ့သည် တစ္ဆေအခြောက်ခံနေရသော စိတ်ကိုစုစည်းပြီး ပလ္လင်ပေါ်တက်ဖို့သင်္ကန်ကို သပ္ပါယ်လိုက်သည်။ ။
ရွှေမန်းသား
၅.၄.၂၀၁၃
No comments:
Post a Comment