Thursday 25 September 2014
Wednesday 24 September 2014
Friday 19 September 2014
Thursday 18 September 2014
ဝိုင်ကိုသောက်ရင်ရော သီလပျက်ပါသလား ဘုရား
အရှင်ဘုရား တပည့်တော်မကိုမေးလျှောက်ခွင့်ြ
..သီလပျက်ပြီးရင်ဘယ်လိုပြန်လု
gကျေးဇူးတင်ပါတယ်ဘုရား
Gloria Huang
မေးထားတဲ့ မေးခွန်းတွေထဲက ပထမဆုံးမေးခွန်းကို ဖြေရမယ်ဆိုရင် သီလဘာလို့ စောင့်ရသလဲဆိုရင် ကိုယ်ချင်းစာတရားနဲ့ မေတ္တာတရားရှိအောင်လို့ သီလစောင့်ရတာပါလို့ ဖြေရမှာပါ၊ ဒီထက် စာဆန်ဆန် ပေဆန်ဆန်ဖြေပြရရင် ကိုယ့်လိပ်ပြာကို ကိုယ်လုံပြီး ကိုယ့်ကိုယ်ယုံကြည်သူ တစ်ယောက်ဖြစ်ဖို့ သီလ စောင့်ရတာပါလို့ ထပ်ဆင့်ပြေရပါမယ်၊
သီလတောင်းတယ်ဆိုတာ ဘုရားထံမှာလဲ တောင်းလို့ရပါတယ်၊ ဒါမှမဟုတ် ဘုန်းကြီးတိုက်တို့ ဓမ္မာရုံတို့မှာသွားပြီိး ဆရာတော်သံဃာတော်တွေဆီကလဲ သီလခံယူလို့ရပါတယ်။ ကိုယ်ကိုယ်တိုင် ဘုရားထံမှာသီလခံလို့ရပေမယ့် မိမိလေးစားတဲ့ ဆရာတော် သံဃာတော်တွေထံက သီလခံယူတာက ပိုပြီးလေးစားလိုက်နာ စောင့်ထိန်းဖြစ်ပါတယ်လို့ ရှေးဆရာအစဉ်အဆက်ဆိုရိုးရှိခဲ့ပါ
သီလပျက်သွားရင် တစ်ခါ ပြန်ပြီသီလမပျက်အောင်ထပ်ပြီး ခံယူလို့ရပါတယ်၊ ဒါပေမယ့် ခဏခဏ ပြဲသွားတိုင်း ပေါက်သွားတိုင်း ချုပ်ချုပ်ပြီး ပြန်ဝတ်တဲ့ အ၀တ်အစား လုံချည်းများဟာ အပေါက်အပြဲတွေနဲ့ဆို ကြည့်မကောင်းတတ်ပါဘူး၊ လူလည်ခေါင်မှာ ၀တ်လို့ အဆင်မပြေတတ်ပါဘူး၊ သီလဆိုတာလဲ ဒီသဘောတရားပါပဲ ခဏခဏ ကိုယ်ကျင့်တရားဖောက်ပြားတဲ့သူကု
ပိုးမွှားတွေသတ်တာက သီလပျက်ပါတယ်၊ ဒါပေမယ့် ကံမြောက်မှုကတော့ ကိုယ်သတ်လိုက် တဲ့ သတ္တ၀ါအကြီးအသေးအပေါ်မှာ မူတည်ပြီး ကွဲပြားပါတယ်။ ဆင်သတ်တာနဲ့ ခြင်သတ်တာ ကွဲပြား ပါတယ်။ ခြင်းကအကောင်သေးတော့ ဖျမ်းဆို တစ်ခါတည်းသေလို့ ကံမြောက်မှုနည်းပါတယ်။ ဆင်ကြ တော့ အကောင်ကြီးတော့ သတ်ဖို့ အများကြီး အားစိုက်ရပါတယ်၊ ဒါကြောင့် အကုသိုလ်ကံအများကြီး ရပါတယ်။
ဝိုင်ဆိုတာကလဲ မူးယစ်စေတတ်တဲ့ အရက်သေစာစာရင်းထဲမှာ ပါတာမို့ သီလပျက်နိုင်ပါတယ်၊
တစ်ခါတလေ လူမှုရေးအရ အပေါင်းအသင်းအရသောက်ရရင်လဲ အတတ်နိုင်ဆုံး သီလမပျက်အောင် မသောက်ပဲနေတာက အကောင်းဆုံးပါ၊ ဒီနေရာမှာ
ထင်ရှားအောင်ပြောပြရရင် မြွေးပွေးကို မြက်လျှော လေးထင်ပြီး ကိုင်ရင်လဲ မြွေးပွေးက မြွေးပွေး အဆိပ်နဲ့ ကိုက်လိုက်မှာပါ၊ မြက်လျှောဆိုတဲ့ အဆိပ်နဲ့ ကိုက်မှာ မဟုတ်ပါဘူး၊ အရက်သေစာဆိုတာလဲ ဒီသဘောပါပဲ သောက်ရင်မူးမယ်၊ မူးရင် မကောင်း မှုတွေ မကောင်းတာတွေ လုပ်ဖို့ တွန်းအားပေးတဲ့ စိတ်ဆီကို အနဲနဲ့အများရောက်လာမှာပါ၊
(၁) သူတစ်ပါး အသက်သတ်တာ၊
(၂) သူတစ်ပါး ပစ္စည်းဥစ္စာခိုးတာ
(၃) သူတစ်ပါး သားမယားစော်ကားတာ
(၄) လိမ်ပြောတာ
ဒီလေးချက်ဟာ ကိုယ်ကိုယ် တခြားသူက အဲဒီလို လုပ်ရင်လဲ မကြိုက်ပါဘူး ၊ ဒါကြောင့် ကိုယ်ကလဲ သူတစ်ပါးအပေါ်မှာ အဲဒီးလေးချက်ကို မပြောမိအောင် မလုပ်မိအောင် ကြိုးစားစောင့်ထိန်းရမှာပါ၊ ဒီလေး ပါးကို စောင့်ထိန်းတယ်ဆိုတာ ကိုယ်ချင်းစာတတ်အောင်ပါ၊ နောက်တစ်ခါ တစ်ဦးအပေါ် တစ်ဦး မေတ္တာစိတ်ထားဖြစ်အောင်လို့ပါ၊
နောက်ဆုံး (၅) ခုမြောက် အရက်သောက်တာ၊ မူးယဇ်စေတတ်တဲ့ အရာတွေကို မှီဝဲတာဟာ လူမှာ ပင်ကိုယ်စိတ်ရင်းပျောက်ဆုံးပြီး
အောက်မှာရေးပြထားတဲ့ ငါးပါးသီလရဲ့ အကျိုးနဲ့ အပြစ်လေးတွေကို လဲ ထပ်ပြီး မှတ်မိအောင် ဖတ်ကြည့်စေချင်ပါတယ်-----------
‘ပါဏာတိပါတကံ လွန်ကျူးပြစ်အကျိုး’
***************************
မည်သည့် သက်ရှိသတ္တ၀ါကိုမဆို ညှင်းဆဲသတ်ဖြတ်သောသူသည် သေသောအခါ ငရဲ၌ဖြစ်ရသည်၊
ငရဲမှ လွတ်၍ လူဖြစ်လာလျှင်သော်မှ-
(၁) ကိုယ်အင်္ဂါချို့တဲ့တတ်ခြင်း၊
(၂) အရုပ်ဆိုးခြင်း၊
(၃) အားအင်ချိနဲ့ခြင်း၊
(၄) လျင်မြန်ဖျတ်လတ်မှုမရှိခြင်း၊
(၅) ဘေးရန်နှင့်တွေ.က ကြောက်ရွံ့လွယ်ခြင်း၊
(၆) သူများသတ်၍ သေရခြင်း၊ မိမိကိုယ်ကို မိမိသတ်၍လည်း သေရခြင်း၊
(၇) အနာရောဂါများခြင်း၊
(၈) ခြွေရံပျက်စီးခြင်း၊
(၉) အသက်တိုခြင်း၊
ဤသို့ စသည်ဖြင့် များစွာသော အပြစ်များကိုလည်း ခံစားရတတ်သည်။
(ရှောင်လျှင် အပြန် အကျိုးတည်း) ရှောင်ကြဉ်လျှင် ပြောင်းပြန်အကျိုးရပါသည်။
‘အဒိန္နာဒါနကံ လွန်ကျူးပြစ်အကျိုး’
*************************
ပိုင်ရှင်သည် ကိုယ်နှုတ်ဖြင့် မပေးအပ်သော သက်ရှိ သက်မဲ့ပစ္စည်းကို ခိုးယူခြင်း၊ ဓားပြတိုက်ယူခြင်း၊ အာဏာဖြင့်ယူခြင်း၊ အလေး တင်းတောင်း ချိန်ခွင်တို့ဖြင့် လိမ်လည် လှည့်စား၍ ယူခြင်း၊ ရောင်းကုန်များ၌ ရေ စသည် ရောနှော၍ ရောင်းချခြင်း၊ ဖျင်း၊ အ၊ သူတို့၏ ပစ္စည်းကို လိမ်ညာ၍ ယူခြင်း၊ ခြောက်လှန့်၍ယူခြင်း၊ နှိုက်၍ယူခြင်း စသော မတရား ရယူမှု အားလုံးသည် ခိုးယူခြင်းဖြစ်သည်။ ထို အဒိန္နာဒါန အမှုကို ပြုသောသူသည် သေသောအခါ ငရဲ၌ဖြစ်ရသည်။ ငရဲမှ လွတ်၍ လူပြန်ဖြစ်ခွင့်ရလာလျှင်သော်မှ -
(၁) မွဲတတ်ခြင်း၊
(၂) ကိုယ်စိတ်ဆင်းရဲခြင်း
(၃) ငတ်မွတ်ခြင်း၊
(၄) အလိုရှိသောအရာကို မရခြင်း၊
(၅) ဥစ္စာပျက်စီးခြင်း၊
(၆) ရန်သူမျိုးငါးပါး ဖျက်ဆီးခံရခြင်း၊
ဤသို့စသော မကောင်းကျိုးများခံစားရသည်။
(ရှောင်လျှင် အပြန် အကျိုးတည်း)
‘ကာမေသုမိစ္ဆာစာရကံ လွန်ကျူးပြစ်အကျိုး’
******************************
မိမိဇနီး၊ မိမိခင်ပွန်းလင်မှတပါး အခြားမည်သည့်မိန်းမ ယောင်္ကျားတို့နှင့်မဆို ဖေါက်ပြန်ပေါင်းသင်း ကျူးလွန်းခြင်းကို “ကာမဂုဏ်တို့၌ မှားယွင်းစွာကျင့်သည်” ဟုခေါ်သည်။ ထိုသို့ မှားယွင်းစွာကျင့်သူကို ကာမေသုမိစ္ဆာစာရကံ လွန်ကျူးသည်ဟု ဆိုသည်။ ထိုလွန်ကျူးသူသည် သေသောအခါ ငရဲ၌ ဖြစ်ရသည်။ ငရဲမှ လွတ်၍ လူပြန်ဖြစ်ခွင့် ရလျှင်သော်မှ -
(၁) မလိုမုန်းထားသူပေါများခြင်း၊ လူမုန်းများခြင်း၊
(၂) ရန်သူလည်းများခြင်း၊
(၃) လာဘ်တိတ်ရှားပါးခြင်း၊း
(၄) ချမ်းသာမရှိခြင်း၊
(၅) မိန်းမဘဝချည်းသာဖြစ်ရခြင်း၊
(၆) မိန်းမ မဟုတ် ယောင်္ကျား မဟုတ် (နပုန်းပဏ္ဍုက်)ဖြစ်ရခြင်း၊
(၇) ယောင်္ကျားဖြစ်သော် အမျိုးယုတ်၌ ဖြစ်ရခြင်း၊
(၈) မျက်နှာပျက် အရှက်ကွဲရတတ်ခြင်း၊
(၉) ကိုယ်အင်္ဂါချို.တဲ့ သေးသိမ်ခြင်း၊
(၁၀)စိုးရိမ်ကြောင့်ကြအားကြီးခြ
(၁၁)ချစ်သူနှင့်ကွေကွင်းရခြင်း၊
ဤသို့စသော များစွာသော အပြစ်များကိုလည်း ခံစားရတတ်သည်။
(ရှောင်လျှင် အပြန် အကျိုးတည်း)
‘မုသာဝါဒကံကို လွန်ကျူးပြစ်အကျိုး’
**************************
ကိုယ်အမူအရာနှင့်ဖြင့်ဖြစ်စေ၊ နှုတ်ဖြင့်ဖြစ်စေ၊ သူတစ်ပါးအကျိုးပျက်စီးအောင်မဟုတ
(၁) စကားမပီသခြင်း၊
(၂) သွားမညီညွတ်ခြင်း၊
(၃) ခံတွင်းပုပ်ညှီခြင်း၊
(၄) အသားအရေမွဲခြောက်ခြင်း၊
(၅) မျက်စိ နား မကြည်လင်ခြင်း၊
(၆) ရုပ်အဆင်း ချို.တဲ့ခြင်း၊
(၇) သြဇာအာဏာမတည်ခြင်း၊
(၈) နှုတ်လျှာ ပြောဆိုမှု ကြမ်းတမ်းခြင်း၊
(၉) စိတ်မတည် လျှပ်ပေါ်လော်လည်တတ်ခြင်း၊
ဤသို့စသော များစွာသော အပြစ်များကိုလည်း ခံစားရတတ်သည်။
(ရှောင်လျှင် အပြန် အကျိုးတည်း)
‘သူရာမေရယကံကို လွန်ကျူးပြစ်အကျိုး’
*****************************
သေရည်သေရက်စသော မူးယစ်ဆေးဝါးအားလုံးသည် တစ်ခါသောက်သုံးမိလျှင် ထပ်ခါထပ်ခါ သောက်ချင်သုံးစွဲချင်၏၊ဤသောက်သု
လာသောအခါ အချင်းချင်းကိုဖြစ်စေ၊ အခြားသူအားဖြစ်စေ၊ ရိုက်မှု၊ သတ်မှု၊ ခိုးမှု၊ လိမ်ညာမှု၊ သူ.သားအိမ်ရာ ပြစ်မှားမှု စသည်တို့ကို ဆက်လက် လွန်ကျူးမိတတ်ကြသည်။ ဤ သေရည်သေရက် မူးယစ်ဆေးဝါး သောက်စားသုံးစွဲမှုသည် ဤဘ၀မှာပင် အသက်ဆုံးရှုံးရသည်အထိ ဆိုးကျိုးများကိုသာ ဖြစ်စေတတ်ပြီး သေသောအခါ ငရဲ၌ ကျရတတ်သည်။ထိုသေရည်သေရက် မူးယစ်ဆေးဝါးကို
သောက်စားသုံးစွဲသော သူသည် မျက်မှောက်ဘ၀၊ နောက်ဖြစ်လေရာဘ၀တို့၌ -
(၁) အရေးအခွင့် သင့် မသင့်ကို မသိတတ်ခြင်း၊
(၂) ပျင်းရိတတ်ခြင်း၊
(၃) မေ့လျော့မူးဝေတတ်ခြင်း၊
(၄) သူ.ကျေးဇူးကို မသိခြင်း၊
(၅) အရှက်အကြောက်ကင်းခြင်း၊
(၆) ရူးသွပ်တတ်ခြင်း၊
(၇) မကောင်းမှု အားလုံး ကျူးလွန်လွယ်ခြင်း -
ဤသို့စသော များစွာသော အပြစ်ကိုလည်း ခံစားရတတ်သည်။
(ရှောင်လျှင် အပြန် အကျိုးတည်း)
“လင်္ကာ”
*******
လင်္ကာ။ ။ ပါဏာတိပတ်၊ သူ.အသက်သတ်က၊ ချို.တတ်အင်္ဂါ၊ မွဲပြာရုပ်သွင်၊ အားအင်ယိုယွင်း၊လျင်ခြင်းလည်းဝေ
လင်္ကာ။။အဒိန္နာဒါ၊ခိုးမိပါမူ၊ဥစ္စာ
ရေမီးသူခိုး၊ မွေခံဆိုးနှင့် မင်းဆိုးအပြား၊ ရန်မျိုး ငါးကြောင့်၊ ပျက်ပြားဥစ္စာ၊ ပြစ်များစွာသည်၊ ရှောင်ခါ အပြန် အကျိုးတည်း။
လင်္ကာ။ ။ မိစ္ဆာစာရ၊ ကျူးလွန်ကလည်း၊ မုန်းကြသူများ၊ ရန်သူပွါး၍၊ ရှားပါးလာဘ်တိတ်၊ ချမ်းသာဆိတ် ၏၊ ဣတ္ထိ ပဏ္ဍုက်၊ မျိုးယုတ်ခါခါ၊ မျက်နှာမလှ၊ အရှက်ရလျက်၊ ရူပဣနြေ္ဒ၊ ယွင်းသွေချို.သိမ်၊ စိုးရိမ်များစွာ၊ ချစ်သူကွာသည်၊ ရှောင်ခါအပြန်အကျိုးတည်း။
လင်္ကာ။ ။ မုသားစကား ပြောဆိုငြားမူ၊ စကားမပီ၊ သွားမညီတည်း၊ ပုပ်ညှီပါးစပ်၊ ခြောက်ကပ်ကိုယ်ရေ၊ ဣနြေ္ဒယွင်းနှောက်၊ ရုပ်ဆင်းဖောက်၏၊ မရောက်သြဇာ၊ နှုတ်လျှာကြမ်းထော်၊ လျှပ်ပေါ်လော်လည်၊ စိတ်မတည်သည်၊ ရှောင်ကြဉ်အပြန် အကျိုးတည်း။
လင်္ကာ။ ။ သေရည်သောက်လင့်၊ သင့်-မသင့်၌၊ ရေးခွင့်မသိ၊ ပျင်းရိမေ့ရူး၊ ကျေးဇူးမဆပ်၊ ဟိရောတ္တပ်ကင်း၊ ခပင်းများထို၊ အကုသိုလ်ကို၊ မငြိုလွယ်စွာ၊ ပြုကျင့်ရာသည်၊ ရှောင်ခါ အပြန်အကျိူးတည်း။ ရှောင်ကြဉ်လျှင် ပြောင်းပြန်အကျိုးရပါသည်၊
ရွှေမန်းသား အရှင်အကုင်္ရ
http://
https://www.facebook.com/
Saturday 13 September 2014
Wednesday 10 September 2014
ရဟန်းတစ်ပါးနဲ့ တက္ကသိုလ် (အနမလိုင်း တက္ကသိုလ်)
စာရေးသူ ဒီတက္ကသိုလ်ရောက်နေတာ လာမယ့် ၁၀ ၂၀၁၄ ဆိုရင် နှစ်နှစ်တင်းတင်းပြည့်ပြီ၊ အိန္ဒိယမှာ တက္ကသိုလ်တွေအများကြီးရှိသည်၊ ဒါပေမယ့် ph.D ကျောင်းသား ရဟန်းတစ်ပါးအတွက် ကျောင်းဂျွိုင်းဖို့က အခက်အခဲတွေခပ်များများဖြစ်သည်၊ အိန္ဒိယမြောက်ပိုင်း ဂယာဒေသက မဂဓ၊ ဗာရာဏသီ၊ နာလန္ဒစတဲ့ တက္ကသိုလ်တွေမှာလဲ Ph.D ဂျွိုင်းဖို့ စောင့်နေတဲ့ ကျောင်းသားရဟန်းတော် များက များမှများ၊ ကိုယ့်အလှည့်ကျဖို့ တော်တော်စောင့်ရမည်၊ အနည်းဆုံးတစ်နှစ်ကြာနိုင်သည်။ ဘုံဘေနဲ့ ဒေလီမြို့က တက္ကသိုလ်တွေမှာလဲ ကျောင်းအပ်မယ်ဆိုရင် အိုး ဒီကစောင့်နေသူ ဖြစ်ဖို့က (၇၅%) လောက်ရှိသည်၊
ဒါကြောင့် တက္ကသိုလ်အသစ် နယ်မြေအသစ်ဘက်ဆီ တစ်ချို့က ချီတက်ကြသည်၊ ဒီလိုနဲ့ တစ်ချို့ကတောာင်ပိုင်းက နာဂဇုနတက္ကသိုလ်၊ နာဂပူမြို့ကတက္ကသိုလ်၊ အိန္ဒိယတောင်ပိုင်း ချနိုင်းက မရဒတ်တက္ကသိုလ်၊ ချနိုင်းမြို့နဲ့အနီးက အနမလိုင်းတက္ကသိုလ်တွေဆီ ခြေဦးလှည့်ကြသည်၊ ဒေသအစ် နယ်မြေအသစ်တွင် အဆင်ပြေတာတွေရှိကြသလို အဆင်ပြေတာကလဲ ဒုနဲဒေး ဒါပေမယ့် အများစုက ကလေးမဟုတ်ကြတော့ ခံနိုင်ရည်ရှိအောင်ကြိုးစားရသည်။
အခက်အခဲဆုံးက ဈေးသွား၊ ထမင်းဟင်းချက်၊ စက်ဘီးနဲ့ကျောင်းတက်ရတာတွေက ထိပ်ကပြေးနေသည်၊ ရွှေပြည်ကြီးမှာ သပိတ်ပိုက် အိမ်ပေါက်စေ့ဆွမ်းကြွလျှင် အဆင်ပြေသလောက် အိန္ဒိယရောက်တော့ အရာရာက ပြောင်းပြန် ကိုယ့်စရိတ်နဲ့ ကိုယ့်အိပ်ကိုပြန်ပြန် စမ်းကြည့်နေရတဲ့ အ ခြေနေနဲ့ နေရထိုင်ရတာတွေက အခက်အခဲဆိုလဲဟုတ်သည်၊ အခြေနေတစ်ခုက စမ်းသက်ကွင်းဆို လျှင်လဲ မမှား၊ ဘာပဲဖြစ်ဖြစ် အားခဲကာ ပညာရေးကို အလေးပေးကြလို့ ရွှေပြည်ကြီးအတွက် Ph.D ဆရာတော်များ ပေါ်ပေါက်လာခြင်းဖြစ်သည်၊
စာရေးသူ မာစတာတက်ရောက်ခဲ့တဲ့ သီရိလင်္ကာက ကေလနိယတက္ကသိုလ်က တစ်ပတ်မှ သုံးရက်သာ တက်ရသည်။ အခု စာရေးသူ ph.D တက်နေသော အိန္ဒိယတောင်ပိုင်း အနမလိုင်း တက္ကသိုလ်ကတော့ နေ့စဉ်ကျောင်းသွားရသည်၊ မနက်တစ်ခါ နေ့လည်တစ်ခေါက် ကျောင်းကို ပုံမှန်ရောက်ရသည်၊ စာကြည့်တိုက်ဝင်ရသည်။ ကိုယ့်ဆရာကိုယ့်ဂိုက်နဲ့ ဆွေးနွေးရသည်။
ရွှေပြည်ကြီးက ဒကာ ဒကာမများက ဘုန်းဘုန်းတွေတက်နေတော့ အမှတ်တမဲ့အနေနဲ့ ဘုန်းကြီးတွေချည်း သက်သက်တက်ရောက်သော တက္ကသိုလ်ဟု အထင်ရှိကြသည်၊ အများအားဖြင့် အိန္ဒိယက တက္ကသိုလ်တွေသည် အကြီးကြီးတွေ အကျယ်ကြီးတွေ ဌာနပေါင်းစုံ ကျောင်းသားပေါင်းစုံ ဖြစ်သည်၊ စာရေးသူ တက်နေသော အနမလိုင်း တက္ကသိုလ်ကြီးသည်ပင် ဧကတစ်ရာကျော်ကျယ် ၀န်းပြီး ဌာနပေါင်းက (၆၄) ဌာနကျော်ကျော်ရှိသည်။ ကျောင်းဝင်းအတွင်းတွင် ဆေးကျောင်း၊ ဆေးရုံ၊ ကွန်ပျူတာ၊ အင်ဂျင်နီယာ၊ ၀ိဇာသိပ္ပံ အစုံရှိသည်၊ မြန်မာရဟန်းတွေကတော့ ဗုဒ္ဒဘာသာနဲ့ သင့်တော်တဲ့ philosophy ဌာနကို ရွေးတက်ရသည်။
အနမလိုင်းတက္ကသိုလ်သည် ဟီးနေအောင်ကြီးမားသော်လဲ ချီရန်ဘရန်ဆိုတဲ့တောမြို့လေးမှာ တည်ရှိ တာ ဖြစ်သည်။ ထူးခြားတာက ဒီတက္ကသိုလ်ကြီးကို မြန်မာနိုင်ငံတွင် လာရောက်ပြီး စီးပွားရှာသွားသော ချစ်တီးသူဌေးက တည်ထောင်ထားခြင်းဖြစ်သည်။နိုင်ငံခြားကျောင်းသား အများစုက အာဖရိကန် တွေများသည်၊ နောက်ပြီး သူတို့ ခရစ်ယာန်ဘာသာဝင်တွေဖြစ်လေတော့ တနင်္ဂနွေနေ့တိုင်း သူတို့နဲ့ နီးတဲ့အဆောင်မှာနေရင် ဓမ္မတေး သံတွေ မွှေးနေအောင်ကြားရတတ်သည်။ မြန်မာကျောင်းသား ရဟန်းတော်များက အနည်းအကျဉ်းသာ ၊
ဒီတမီ်းလ်နာဒူးနယ်မှာ တမိးလ်ပြည်နယ်သားအများစုက ဗုဒ္ဓဘာသာရဟန်းတော်ဆိုတာ သူတို့မသိရှာ သူတို့က လားမားကြီးနဲ့ ရှောင်လင်လောက်သာသိကြ သည်။ ပညာတတ်သူအချို့သာ ဗုဒ္ဓဘာသာနဲ့ မြန်မာကို သိကြသည်၊
တမီးလ်လူမျိုးတွေနဲ့ ခဏခဏတိုက်ပွဲဖြစ်နေသော သီရိလင်္ကာနဲ့ ပြဿနာမဖြစ်ရင်တော့ တမီးလ်နာဒူး ပြည်နယ်သည် နေထိုင်လို့အေးချမ်းသည်၊
တစ်ယောက်အပေါ်တစ်ယောက်ကူညီတတ်သော ဓလေ့ကို တွေ့ရသည်။
ပြဿနာဖြစ်နေတဲ့အချိန်တွင် မြန်မာရဟန်းတော်များကို သီရိလင်္ကာရဟန်းတော်အလား ထင်မှတ်မှားတတ်သည်၊ အနေအထိုင် အသွားအလာသတိထားရသည်၊ အမှန်တကယ်တွင် တစ်ချိန်တစ်ခါက ဒီဒေသတွင် သဂြိုဟ်လက်သန်းအဋ္ဌကထာကိုပြုသွားသော အာစရိယအရှင်အနုရုဒ္ဒါ တို့ အာစရိယ အရှင်ဓမ္မပါလတို့နယ်မြေဖြစ်သည်၊ တစ်ချို့ဟိန္ဒူဘုရားကျောင်းကြီးတွေသည် တစ်ချိန် က ဗုဒ္ဓုဘာသာဘုရားကျောင်းဖြစ်ခဲ့သည်၊ အခုချိန်တွင် ဟိန္ဒူနတ်ရုပ်များ တင်ထားပြီး ဟိန္ဒူဘုရား ကျောင်းများအဖြစ် ကိုးကွယ်နေကြသည်၊ ခေတ်သစ်လူ့အဖွဲအစည်းက တမီးလ်မျိုးဆက်များသည် ဗုဒ်ဓ ဘာသာကို သိပ်မသိကြတော့ ဟိန္ဒူဘာသာဝင်တွေဖြစ်နေတာကများသည်။
ဒီနေ့ ( ၁၀.၉.၂၀၁၄) ကျောင်းထဲတွင် လှည့်ပတ်ဓာတ်ပုံရိုက်တော့ မြန်မာရဟန်းတွေနဲ့ အတူတူ ဓာတ်ပုံရိုက်ချင်ကြောင်းလာပြောသော တမီးလ်ကျောင်းသား ကျောင်းသူတွေနဲ့ ဆုံရသည်၊ သူတို့တစ်တွေသည် အကြည့်မစိမ်း ခင်မင်မှုရှိသော မိတ်ဟောင်းဆွေပမာ ရင်းနှီးမှုအပြည့်အ၀ရှိကြ သည်၊
ရင်းနှီးသော ချစ်ဖွယ်ကောင်းသာ တမီးလ်သူ တမီးလ်သားများရင်ခွင်ထဲတွင် ဗုဒ္ဓအမွေအနှစ် တရားတော်များ ကိန်းသွားမည်ဆိုလျှင် အတိုင်းထက်အလွန် တံခွန်နဲ့ဘုရား ပိုပြီးနုညံ့သွားမည်ဟု ထင်မိတော့သည်။ ။
ရွှေမန်းသား အရှင်အကုင်္ရ
၁၀.၉.၂၀၁၄
Monday 8 September 2014
Sunday 7 September 2014
Saturday 6 September 2014
Friday 5 September 2014
Subscribe to:
Posts (Atom)