နောက်ကျောက၀င်
ဓါးနဲ့ ထိုးခံရတာတင်မဟုတ်ပါဘူး
ကိုယ့်အိပ်ကပ်ထဲ ထည့်လာတဲ့ ဓါးကလဲ
ပြန်ထိုးချင် ထိုးမိနေ တတ်တာ
အိပ်မပျော်ဘူးလား
အိပ်ဆေးသောက်အိပ်ပေါ့ဗျာ
လှပတဲ့ ညတွေကိုတော့ ထပ်မသောက်မိစေနဲ့
ခင်များ ဘယ်တော့မှ အိပ်ပျော်မှာ မဟုတ်ဘူး
အိပ်မပျော်တဲ့ ညတွေထက်
သစ္စာတရားနဲ့ ဝေးနေတဲ့ အသိက
ပိုပြီး ခရီးရှည်လွန်းတယ်
လိမ္မာပါ ညီမလေးရယ်
ခဏခဏ ပွန်းပဲ့ခံတိုင်း အရောင်ထွက်တာ မဟုတ်ဘူး
တိုက်စားပါများရင်
ကမ်းပါးတွေလို ပြိုတတ်တယ်
ဘ၀တဲ့
စလိုက်တာနဲ့ အဆုံးက
အရှုံးပဲလား
အားမလျှော့လိုက်ပါနဲ့
အိပ်မပျော်လဲ မနက်ဖြန်တွေကိုတော့
နေမင်းနဲ့ အတူဖြတ်သန်းရဦးမယ်။ ။
သစ္စာမိုးဝေ
No comments:
Post a Comment