ကိုယ်ရောက်ရာ အရပ်က
မင်းဆီကို ဖုန်းခေါ်မယ်
လိုင်းကောင်းတာ မကောင်းတာ အသာထား
မင်းကြားနိုင်လောက်တဲ့ အသံနဲ့
ကိုယ်အော်ခေါ်မယ်
ဟလို ကြားလား ဟလို ကြားလား
ကြားနေကြ အသံထက် ညင်သာတဲ့ အသံနဲ့
လေဟုန်စီး ခရီးနှင်ရင်း
မင်းဆီကို ချင်းနင်းဝင်ရောက်လာမယ့် ကိုယ့်အသံ
ကျေနပ်စွာ လက်ခံပေးပါ
ဘာပဲ ဖြစ်ဖြစ် ကိုယ်လာခဲ့မယ်
ဘယ်အချိန်ပဲ ဖြစ်ဖြစ် ကိုယ်ရှိနေပေးမှာ
ဘယ်နေရာပဲ ဖြစ်ဖြစ် ကိုယ်အရောက်လာခဲ့မှာ
မင်း ဘယ်ကိုမှ ထွက်မပြေးနဲ့နော်
ရော့ ဟောဒီမှာ မင်းအတွက်လက်ဆောင်
ရွှေရောင်ပျော့ပျော့ အညိုတစ်ကျော့ အဖြူတစ်ကျော့ ခပ်သော့သော့
မင်းခေါင်းမှာ အစဉ်တစိုက် ပန်ဆင်ထားလိုက်ကွယ်။
ရော့ ဟောဒီမှာ မင်းအတွက် သစ္စာ
မင်းဟာ ငါမဟုတ် ငါဟာ မင်းမဟုတ်
ခဏမဟုတ် ထာဝရသရုပ်
ဟုတ်လို့ပဲ မှန်မှန် မဟုတ်လို့ပဲ မှန်မှန်
တကယ့်သရုပ်သကန်က ရုပ်နဲ့နာမ်
ပြန်ပြောခွင့်မပြု
လှန်လှောချင့် ရှု
သမုတိကို သတိမရ
လူ့အရှိကို တထိတရှ ကြည့်ကြရရင်
မင်းရော ငါ ပါ
အို-------- မမြဲခြင်းမှာ သင်္ခါရာ။
No comments:
Post a Comment